ᐱᓇᓱᒐᕐᓅᓕᖓᔪᓄᑦ ᐱᑦᔪᔨᒍᑏᑦ
ᐱᓇᓱᒐᕐᓅᓕᖓᔪᓄᑦ ᐱᑦᔪᔨᒍᑎᓂ ᐱᓇᓱᖃᑎᒌᑦᑐᑦ ᐱᓇᓱᐊᕐᑐᒪᕆᐅᖃᑦᑕᑐᑦ ᖃᓂᒪᓐᓇᖅ COVID-19 ᓄᐃᓚᐅᔪᑎᓪᓗᒍᓂᑦ.
ᒫᑦᔨ 2020-ᒥ ᐱᒋᐊᕐᓱᒍ ᐊᐅᒡᒍᔅᑎ 2020-ᒧᑦ ᑎᑭᑦᓱᒍ, ᒪᑯᐊᕙᓪᓗᐃᑦ ᐋᕐᕿᓯᒪᐅᑎᖃᕐᑎᓯᒍᑏᑦ ᓄᐃᑕᐅᓯᒪᔪᑦ ᓄᓇᕕᒻᒥᐅᓂᒃ ᓴᐳᑎᓯᒪᒍᑎᑦᓴᐅᑎᓪᓗᒋᑦ:
ᐋᕐᕿᓯᒪᐅᑎᖃᕈᑎ 1:
ᐊᑐᓕᕐᑎᑕᐅᓂᖓ ᐅᖄᓚᕕᐅᒍᓐᓇᑑᑉ 1-877-964-2961 ᖃᕆᑕᐅᔭᒃᑯᓗ ᐊᓪᓚᕕᐅᒍᓐᓇᑑᑉ (LEOSERVICES@KRG.CA) ᐱᓇᓱᒐᑦᓴᓕᕆᓂᕐᒥᒃ ᐱᑦᔪᔨᒍᑎᓄᑦ.
ᓱᕐᖁᐃᓯᓯᒪᓂᕐᒧᑦ ᐃᓄᓕᒫᑦ ᑮᓇᐅᔭᕐᑖᑕᕈᑎᖏᑦ ᑲᔪᓯᑦᓯᐊᖁᓪᓗᒍᑦ (ᐱᓇᓱᖕᖏᓚᐅᕐᑐᑐᑦ ᐊᑭᓕᕐᑐᑕᐅᒍᑎᖏᑦ, ᐃᑲᔫᑎᑖᕐᑕᕈᑏᑦ, ᑲᓇᑕᒥ ᐅᐃᒪᓇᕐᑐᓯᐅᕐᓂᒧᑦ ᖃᓄᐃᓕᒋᐊᕈᑏᑦ ᐱᕙᓪᓕᖁᑎᖏᑦ (CERB), ᑲᓇᑕᒥ ᐅᐃᒪᓇᕐᑐᓯᐅᕐᓂᒧᑦ ᐃᓕᓐᓂᐊᑏᑦ ᐱᕙᓪᓕᖁᑎᖏᑦ (CESB), ᐊᓯᒋᐊᓪᓚᖏᓪᓗ) ᖃᓂᒪᐅᑉ ᓱᑲᑦᑐᒥᒃ ᐃᕐᐸᑎᕐᓯᒪᓂᖓᓂ.
ᖃᐅᔨᒪᔭᐅᒋᐊᓕᒃ ᐱᓇᓱᒐᑦᓴᓕᕆᔩᑦ ᐱᑦᔪᔨᖃᑦᑕᖏᓐᓇᒪᑕ ᐊᓂᕐᕋᒥ ᐱᓇᓱᑦᓱᑎᒃ ᐊᓪᓚᕕᒻᒥᓘᓐᓃᑦ, ᐅᖄᓚᐅᑎᒃᑯᑦ ᖃᕆᑕᐅᔭᒃᑯᓘᓐᓃᑦ ᐊᓪᓚᖃᑦᑕᓱᑎᒃ, ᐱᑦᔪᔨᔭᒥᓂᓪᓗ ᑲᑎᓯᒋᐊᖃᓕᕋᒥᒃ ᑲᑎᓯᖃᑦᑕᓱᑎᒃ ᒪᓕᑦᓯᐊᖏᓐᓇᓱᒋᑦ ᖃᓂᖕᖏᑕᕇᓐᓂᐅᕆᐊᓖᑦ ᓴᓗᒣᓐᓇᕆᐊᖃᕐᓃᓗ. ᐃᓄᒻᒪᕆᐅᓂᕐᓭᑦ ᐱᓇᓱᑦᑏᑦ ᐊᓂᕐᕋᓯᒪᓗᑎᒃ ᐱᓇᓱᒋᐊᖃᓪᓚᕆᑦᑎᑕᐅᔪᑦ.
ᐋᕐᕿᓯᒪᐅᑎᖃᕈᑎ 2: Facebook ᐊᑐᕐᑕᐅᓂᖓ ((ᐱᓇᓱᒐᑦᓴᓕᕆᕕᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ) ᑐᓴᐅᒪᔭᐅᒋᐊᓕᓐᓂᒃ ᑐᓴᕐᑎᓯᒍᑎᐅᑎᓪᓗᒍ ᐱᑦᔪᔨᒍᑎᓅᓕᖓᔪᓂᒃ ᓄᑖᓂᓪᓘᓃᑦ ᑲᕙᒪᒃᑯᑦ ᐊᑐᐃᓐᓇᐅᑎᑕᖏᓐᓂᒃ ᐃᑲᔪᕐᓯᒪᐅᑎᓂᒃ ᑮᓇᐅᔭᑎᒍᑦ
ᐱᓇᓱᒐᑦᓴᓕᕆᕕᒻᒥ ᐱᓇᓱᑦᑎ ᓄᐃᑦᓯᖃᑦᑕᑎᓪᓗᒍ ᑐᓴᐅᒪᔭᐅᒋᐊᓕᓐᓂᒃ ᐱᑦᔪᔨᒍᑎᖏᓐᓅᓕᖓᔪᓂᒃ ᐱᓇᓱᒐᑦᓴᓕᕆᕕᒃᑯᑦ ᓄᓇᕕᒻᒥᐅᓗ Facebook-ᖏᓐᓂ ᐊᒻᒪᓗ ᓄᓇᓕᓕᒫᑦ Facebook-ᖏᓐᓄᑦ ᐃᓕᖃᑦᑕᒥᑦᓱᒋᑦ.
ᐱᓇᓱᒐᑦᓴᓕᕆᕕᒻᒥ ᐱᓇᓱᑦᑏᑦ ᐊᐱᕐᓲᑕᐅᔪᓂᒃ ᑭᐅᖃᑦᑕᑐᑦ ᑭᓇᒃᑯᑐᐃᓐᓇᓄᑦ (ᐃᑲᔪᕐᑎᒃ ᖃᕆᑕᐅᔭᑎᒍᑦ ᑕᑕᕐᓭᒍᑎᓕᕆᓂᕐᓂᒃ, ᐊᐱᕐᓲᑕᐅᔪᓂᒃ ᑭᐅᖃᑦᑕᓱᑎᒃ ᑲᕙᒪᒃᑯᑦ ᓄᐃᓯᒪᔭᖏᓐᓅᓕᖓᔪᓂᒃ, ᑲᕙᒪᒃᑯᓄᑦ ᑲᒪᒋᔭᐅᒋᐊᓕᓐᓂᒃ ᓇᒧᖕᖓᕆᐊᖃᕐᒪᖔᑕ ᑐᑭᒧᐊᖃᑦᑕᓱᒋᑦ, ᐊᓯᒋᐊᓪᓚᖏᓪᓗ).
ᐋᕐᕿᓯᒪᐅᑎᖃᕈᑎ 3: ᐅᖄᓚᐅᑎᒃᑯᑦ ᑲᑎᒪᓂᕐᓄᑦ ᐃᓚᐅᖃᑦᑕᓃᑦ ᖃᕆᑕᐅᔭᑎᒍᓪᓗ ᑐᓴᐅᒣᓐᓇᐅᑎᒋᑦᓱᒋᑦ ᑲᕙᒪᒃᑯᑦ ᐋᕐᕿᓯᒪᐅᑎᖃᓕᕐᑎᓯᒍᑎᒋᖃᑦᑕᑕᖏᓐᓂᒃ (ᑲᓇᑕᒥ ᐱᑦᔪᔨᒍᑏᑦ, ᑲᓇᑕᒥ ᑮᓇᐅᔭᓕᕆᕕᖓ ᑯᐯᓪᓗ).